របៀបធ្វើសម្លប្រហើរនំបញ្ចុក

បើនិយាយពីនំបញ្ចុក ចៀសមិនផុតពីទឹកសំលប្រហើរទេ មានសាច់ត្រី មានពងត្រី ជាពិសេស គឺមានបង់ប្រហុក ឆ្ងាញ់លេខមួយហើយ ។

អានរួច សូមជួយចែករំលែកបន្ត ដើម្បីផ្តល់ចំណេះដឹងល្អៗដល់អ្នកផ្សេងបានដឹង បានយល់ដូចអ្នកទាំងអស់គ្នាផងណា៎ !
សូមអរគុណសំរាប់ការចូលអាន និង ជួយចែកចាយបន្ត នេះជាកំលាំងចិត្តឲ្យពួកយើងមានទឹកចិត្តខំស្រាវជ្រាវបន្ថែម ^^

គ្រឿងផ្សំរួមមាន :

- ត្រីរ៉ស់ ( ធ្វើអោយស្អាត យកស្រកាចេញ )
- គ្រឿងបុកស​ម្រាប់ស្លរ ( ស្លឹកគ្រៃ ស្លឹកក្រូចសើច រំដេង ខ្ជាយ ខ្ទឹមស រមៀត ) បុក​បញ្ចូល​គ្នា​អោយ​ម៉ត់ល្អ
- ខ្ទិះដូង ( ខ្ទិះដើម និង ខ្ទិះចុង )

- ទឹកត្រី ប៊ីចេង អំបិល ស្ករស
- ប្រហុក
- សណ្ដែកដី​លីង​បុក​អោយ​ល្អិត​
- បន្លែ​អន្លក់អន្លៃ​ខ្ចីៗ តាម​ចំណូលចិត្ត​
- នំបញ្ចុក​

វិធីធ្វើ :
១ - ដាក់ដាំទឹកអោយពុះ រួច​ច្រុំ​ប្រហុក​អោយ​ម៉ត់​ក្នុង​ទឹក​ពុះ យកត្រីទៅស្ងោរក្នុងទឹក​សម្លរ          ក្រោយមកបង់​ទឹកត្រី អំបិល ស្ករស ប៊ីចេង រំងាស់ត្រីអោយឆ្អិនរួចស្រង់ចេញ ហើយបេះយកតែសាច់ត្រីចេញកុំអោយមានឆ្អឹង។

២ - យកត្រីដែលបេះរួច មកបុកជាមួយគ្រឿង ដាក់​ អំបិល ស្ករស ប៊ីចេង បន្តិចៗ​ដើម្បី​អោយ​មាន​ជាតិ​ក្នុង​សាច់ត្រី​ បុករួចទុកមួយអន្លើរ
៣ - យកទឹកដែលស្ងោរជាមួយត្រីដែលនៅសល់នោះ មកដាក់ខ្ទិះចុងចូល រួចដាំអោយពុុះ បន្ទាប់មកដាក់ត្រីដែលយើងបុកជាមួយគ្រឿងចាក់ចូលក្រោយមក ដាក់ ខ្ទិះដូង ( ដើម ) ចូល រួចកូរអោយសព្វ ហើយទុកអោយពុះម្ដងទៀត

ភ្លក់មើលអោយល្មម តាមចំណង់ចំណូលចិត្ត ទុកអោយពុះ និង ឆ្អិនចូលជាតិគ្នាហើយ រួចដាក់សណ្ដែកដីលីងចូលរួចជាការស្រេច ៕

ពេលញាំុ​ ដាក់​បន្លែ​អន្លក់អន្លៃ​ខ្ចីៗ រួចចាប់​នំបញ្ចុក​ ស្រូប​សម្ល​ប្រហើរ​ពី​លើ​ និង ​ម្ទេស​ហិលៗ ឆ្ងាញ់..!