នំបាក់បិន ឬ នំដំឡូងដុត

     នេះជាប្រភេទនំខ្មែរយើង ដែលមិនសូវមានការធ្វើលក់នៅតាមទីផ្សារច្រើន ចង់រកទិញញុំាពិបាកដើររកអ្នកលក់ទៀត ពេលខ្លះបើចង់ញុំាមានតែធ្វើដោយខ្លួនឯង តែអ្វីដែលសំខាន់ គឺមិនចេះធ្វើ ថ្ងៃនេះ My Favorite Food នឹង លើយករូបមន្តនៃការធ្វើ នំបាក់បិន ឬ នំដំឡូងដុត ។

វិធីធ្វើនំបាក់បិន ឬ នំដំឡូងដុត

អានរួច សូមជួយចែករំលែកបន្ត ដើម្បីផ្តល់ចំណេះដឹងល្អៗដល់អ្នកផ្សេងបានដឹង បានយល់ដូចអ្នកទាំងអស់គ្នាផងណា៎ !

សូមអរគុណសំរាប់ការចូលអាន និង ជួយចែកចាយបន្ត នេះជាកំលាំងចិត្តឲ្យពួកយើងមានទឹកចិត្តខំស្រាវជ្រាវបន្ថែម ^^ 

គ្រឿងផ្សំរួមមាន :

- ដំឡូងមីឈូសរួច ១គីឡូ

- អំបិល ១ស្លាបព្រាកាហ្វេ

- ស្ករស ៣០០ក្រាម

- ខ្ទិះដូង ៤០០មីលីលីត្រ

- សាច់ដូងកោស ១ចំហៀងផ្លែ

- ស៊ុត ៥គ្រាប់

- ទឹកដោះគោ ១កំប៉ុង

- ទឹកស្លឹកតយ ២០០មីលីលីត្រ

វិធីធ្វើ :

១. ដំបូងអ្នកត្រូវយកដំឡូងដែលបានឈូសរួចមកលាយជាមួយស្ករស, អំបិល, សាច់ដូង, ទឹកដោះគោ, ទឹកស្លឹកតយ, ខ្ទិះដូង និងគោះពងទាដាក់ រួចកូរវាបញ្ចូលគ្នាទាំងអស់។

២. នៅពេលដែលកូរសព្វហើយ ត្រូវយកវាទៅចាក់ចូលក្នុងម៉ាស៊ីនក្រឡុក ធ្វើការរង់ចាំឲ្យម៉ាស៊ីនកិនម៉ត់សិន។

៣. បន្ទាប់ពីម៉ាស៊ីនកិនរួចរាល់ហើយ ត្រូវចាក់វាចេញមកវិញដាក់ចូលទៅក្នុងថាសវាសឲ្យស្មើ ឬសំភារៈអ្វីផ្សេងដែលមានផ្ទៃរាបដូចទៅនិងថាស រួចយកវាទៅដាក់ចូលក្នុងឡដុតនំ ឬឡាំងស៊ិងចំហុយក៏បាន រក្សាទុកប្រហែលជា ៥០នាទី ទៅ ១ម៉ោង។
៤. ពេលនំឆ្អិនមុន និងអ្នកយកនំទៅកាត់ត្រូវទុកវាពី ១៥ ទៅ២០នាទីសិន ដើម្បីឲ្យងាយស្រួលក្នុងការកាត់ កាត់ហើយរៀបដាក់ចានជាការស្រេច ៕