អានរួច សូមជួយចែករំលែកបន្ត ដើម្បីផ្តល់ចំណេះដឹងល្អៗដល់អ្នកផ្សេងបានដឹង បានយល់ដូចអ្នកទាំងអស់គ្នាផងណា៎ !
សូមអរគុណសំរាប់ការចូលអាន និង ជួយចែកចាយបន្ត នេះជាកំលាំងចិត្តឲ្យពួកយើងមានទឹកចិត្តខំស្រាវជ្រាវបន្ថែម ^^
គ្រឿងផ្សំរួមមាន :
– អង្ករខ្សាយ (ត្រាំឱ្យរីក)
– ខ្ទិះដូង
– ស្លឹកខ្ទឹម
– ស្លឹកខ្ទឹម
– ខ្ទឹមស
– ទឹកឆ្អិន
– ក្រូចឆ្មារ
– ម្សៅស៊ុប
– បាយកក
– ពងមាន់
– ប្រេងឆា ឬដុំខ្លាញ់ជ្រូក
– ទឹកត្រី
– ស្ករស
– ម្ទេស
– អំបិល
របៀបធ្វើ :
១. កិនម្សៅខ្សាយដែលត្រាំរួចនោះ ជាមួយនឹងបាយកកមួយដុំ (ជួយឱ្យនំទន់ល្អ)។
២. រួចលាយជាមួយខ្ទិះដូង (បើវាគោកអ្នកអាចថែមទឹកបន្តិចបាន) តែគួរមើលកុំឱ្យរាវពេក។
៣. បន្ទាប់មកថែមអំបិលបន្តិច ហើយត្រូវដាក់ពងមាន់ចូលផង ដើម្បីឱ្យនំឈ្ងុយល្អ។
៤. ចំណែកស្លឹកខ្ទឹមវិញត្រូវហាន់ឱ្យខ្លី រួចដាក់ចូលទៅក្នុងម្សៅជាការស្រេច។
វិធីចម្អិន :
យកអំបែងមកដាក់លើភ្លើងឱ្យក្តៅល្អ រួចលាបប្រេងឆា ឬដុំខ្លាញ់នៅតាមប្រអប់នីមួយៗ រួចសឹមចាក់ម្សៅចូល (គួរកូរម្សៅសិនមុនពេលដួសចាក់ ចៀសវាងមានតែទឹក ឯម្សៅកកនៅខាងក្រោម) ។
វិធីធ្វើទឹកជ្រលក់ :
បកសម្បកខ្ទឹមសចេញ ហើយបុកឱ្យម៉ដ្ឋ ដាក់ស្ករស អំបិល ម្សៅស៊ុប ទឹកក្រូចឆ្មារ ទឹកត្រី និងទឹកឆ្អិនចូលគ្នា រួចកូរចូលគ្នាឱ្យសព្វ។ បន្ទាប់មកភ្លក្សមើលតាមការចូលចិត្ត ប៉ុន្តែមិនត្រូវឱ្យមានរសជាតិប្រៃពេកនោះទេ ព្រោះទឹកជ្រលក់នំនេះគេច្រើនធ្វើរាងសាបបន្តិច។ លុះពេលបរិភោគអ្នកគ្រាន់តែបន្ថែមខ្ទិះដូង និងម្ទេសទៅក្នុងទឹកត្រីជាការស្រេច។ ជាចុងក្រោយកុំភ្លេចផ្ទាប់ជាមួយបន្លែស្រស់ៗផងណា៎ នោះនឹងជួយឱ្យកាន់តែឆ្ងាញ់មាត់ថែមទៀតមិនខាន៕
No comments:
Post a Comment