១. លាបម្សៅឫឡេផ្សេងៗមិនចូលស្បែក ៖
កង្វះជាតិទឹកធ្វើឲ្យស្បែកអ្នកក្រៀម គ្មានសំណើម ដូច្នេះអ្នកនិងមានអារម្មណ៍ថាស្បែកមុខអ្នកមិនចូលជាមួយម្សៅឫឡេលាបស្បែកទាល់តែសោះ ។
អានរួច សូមជួយចែករំលែកបន្ត ដើម្បីផ្តល់ចំណេះដឹងល្អៗដល់អ្នកផ្សេងបានដឹង បានយល់ដូចអ្នកទាំងអស់គ្នាផងណា៎ !
សូមអរគុណសំរាប់ការចូលអាន និង ជួយចែកចាយបន្ត នេះជាកំលាំងចិត្តឲ្យពួកយើងមានទឹកចិត្តខំស្រាវជ្រាវបន្ថែម ^^
២. បបូរមាត់ស្ងួត ប្រេះបែក និងស្រេកទឹកញឹកញាប់ ៖
បបូរមាត់ប្រេះបែក ស្រេកទឹកខ្លាំង ព្រមទាំងមានបញ្ហាក្លិនមាត់មិនល្អ អ្នកត្រូវចាប់ផ្តើមទម្លាប់ផឹកទឹកភ្លាម ។ ប៉ុន្តែប្រសិនបើ បន្ទាប់ពីអ្នកផឹកទឹកមួយរយៈធំហើយ លទ្ធផលនៅតែមិនប្រែប្រួលអ្នកត្រូវតែប្រញាប់ទៅពិគ្រោះជាមួយគ្រូពេទ្យជាបន្ទាន់ ។
៣. ឧស្សាហ៍ឈឺក្បាល ៖
ឈឺក្បាលញឹកញាប់ ការផ្ចង់ស្មារតីធ្លាក់ចុះ អារម្មណ៍ឆេវឆាវ សុទ្ធតែជាសញ្ញានៃកង្វះជាតិទឹក ។ ផឹកទឹកគ្រប់គ្រាប់ពិតជាអាចបញ្ចៀស និង ព្យាបាលអាការៈទាំងនេះបានយ៉ាងល្អ ។
៤. អស់កម្លាំងល្ហិតល្ហៃ ៖
រកមូលហេតុមិនឃើញ គេងបានគ្រប់គ្រាន់ ប៉ុន្តែនៅតែមានអារម្មណ៍ឆាប់ហត់ អស់កម្លាំង ងងុយគេង គ្រប់ពេលទៀតមែនទេ ? នេះក៏ជាសញ្ញាមួយនៃកង្វះជាតិទឹកក្នុងរាងកាយដែរ ។
៥. ឡើងទម្ងន់មិនឈប់ ៖
រាងកាយដែលត្រូវការជាតិទឹកបន្ថែម ផ្តល់សញ្ញាឲ្យខួរក្បាល ធ្វើឲ្យអ្នកមានអារម្មណ៍ថាចង់ញ៉ាំ ដូច្នេះអ្នកក៏ទទួលទានអាហារច្រើន ដោយការពិតអ្វីដែលរាងកាយត្រូវការពិតប្រាកដត្រឹមតែទឹក១ ឫ ២កែវប៉ុណ្ណោះ ។
៦. ទល់លាមក ៖
ប្រពន្ធរំលាយអាហារត្រូវការទឹកគ្រាប់គ្រាន់ដើម្បីសម្រួលដំណើរការ ដូច្នេះបើអ្នកផ្តល់ទឹកមិនគ្រប់គ្រាន់ទេ បញ្ហាទល់លាមក និង កើតឡើងចំពោះអ្នកជាមិនខាន ។
៧. ការឆ្លងមេរោគលើផ្លូវបង្ហូរទឹកនោម ៖
ញ៉ាំទឹកច្រើនធ្វើឲ្យអ្នកឧស្សាហ៍ចូលបន្ទប់ទឹកមែន ប៉ុន្តែគុណសម្បត្តិរបស់វា គឺវាជួយលាងសម្អាតបង្ហូរទឹកនោមរបស់អ្នក ។ ដូច្នេះបើអ្នកមិនសូវនោមទេ មេរោគទាំងនោះ និង ប្រមូលផ្តុំគ្នា បង្កជាជំងឺផ្សេងៗដូចជានោមទាស់ជាដើម ។
៨. ឆាប់ខឹង និងមួម៉ៅ ៖
ប្រសិនបើអ្នកមានអារម្មណ៍ឆាប់ខឹង និង ពិបាកប្រមូលអារម្មណ៍ដោយមិនដឹងមូលហេតុ អ្នកគួរតែទៅរកទឹក ១ ឫ ២កែវផឹកដើម្បីសម្រួលអារម្មណ៍ឡើងវិញ ។
៩. រមួលក្រពើ ៖
អ្នកប្រហែលជាទៅរកការព្យាបាលដោយការម៉ាស្សា ប៉ុន្តែអ្វីដែលរាងកាយត្រូវការសាមញ្ញបំផុតនោះគឺជាតិទឹកបន្ថែមទៅវិញទេ។
សុខភាព គឺជាបញ្ហាចម្បងដែលអ្នកត្រូវតែយកចិត្តទុកដាក់ ទោះបីរវល់បែបណាក៏ដោយ ។ ប្រសិនបើអ្នកមានអាការៈណាមួយខាងលើ អ្នកគប្បីចាប់ផ្តើមផ្លាស់ប្តូរទម្លាប់មកឧស្សាហ៍ផឹកទឹកឲ្យបានគ្រប់គ្រាន់វិញ ដើម្បីជៀសវាងផលអាក្រក់ទៅថ្ងៃក្រោយដោយសារបញ្ហាកង្វះជាតិទឹក ៕
No comments:
Post a Comment