មឹកអាំងពិសេស និង មឹកអាំងញាត់ស្នូល

១. វិធីធ្វើមឹកអាំងពិសេស

គ្រឿងផ្សំ :

- មឹក

- ជីវ៉ាន់ស៊ុយ ស្លឹកខ្ទឹម ( ហាន់តូចៗ )

- ទឹកម្ទេស 

- ម្ទេស ខ្ទឹមក្រហម ខ្ទឹមស បុកឲ្យម៉ត់

- ក្រូចឆ្មារ

- ខ្ញី

- ម៉្សៅស៊ុប អំបិល ទឹកត្រី និង ស្ករត្នោត 

អានរួច សូមជួយចែករំលែកបន្ត ដើម្បីផ្តល់ចំណេះដឹងល្អៗដល់អ្នកផ្សេងបានដឹង បានយល់ដូចអ្នកទាំងអស់គ្នាផងណា៎ !

សូមអរគុណសំរាប់ការចូលអាន និង ជួយចែកចាយបន្ត នេះជាកំលាំងចិត្តឲ្យពួកយើងមានទឹកចិត្តខំស្រាវជ្រាវបន្ថែម ^^

វិធីធ្វើ :

- ដំបូងត្រូវយកមឹកទៅលាងឲ្យជ្រះរំអិល រួចដកឆ្អឹង នឹង សំអាតពោះវាឲ្យស្អាត

- យកខ្ទឹមស ខ្ទឹមក្រហម ខ្ញី និង ម្ទេសបុកឲ្យម៉ដ្ឋ រួចយកទៅប្រឡាក់ជាមួយមឹក

- រួចដាក់ ម៉្សៅស៊ុប អំបិល ទឹកត្រី និង​ ស្ករត្នោត ឲ្យចូលជាតិជាមួយសាច់មឹក ដោយផ្អាប់វាទុកកន្លះម៉ោងបន្ទាប់មកយកទៅដោតចង្កាក់ អាំងដោយភ្លើងតិចៗ ឲ្យវាឆ្អិនល្មម រួចជាការស្រេច ។

វិធីធ្វើទឹកជ្រលក់ :

- យកទឹកម្ទេស ខ្ទឹមស ខ្ទឹមក្រហម ក្រូចឆ្មារ ទឹកត្រី ម៉្សៅស៊ុប ជីវ៉ាន់ស៊ុយ ស្លឹកខ្ទឹម និង ម្ទេស លាយចូលគ្នាឲ្យសព្វ រួចភ្លក់មើលឲ្យល្មមឲ្យមានរសជាតិជូរអែម ហើយហឹរបន្តិចរួចជាការស្រេច ៕

២. វិធីមឹកអាំងញាត់ស្នូល

គ្រឿងផ្សំ : 

- មឹកធំៗ 3ទៅ 5ក្បាល

- ស្លឹកជីវ៉ាន់ស៊ុយចិញ្ច្រាំ 1ស្លាបព្រាកាហ្វេ

- ទឹកសីុអ៊ីវ 1ទៅ 2ស្លាបព្រាបាយ

- ប្រេងខ្យង 1ស្លាបព្រាបាយ

- ស្ករស 1ស្លាបព្រាកាហ្វេ

- សាច់ជ្រូកចិញ្រ្ចាំ 1ស្លាបព្រាបាយ

- ខ្ទឹមសចិញ្ច្រាំ 1ស្លាបព្រាបាយ

- ខ្ទឹមបារាំងចិញ្ច្រាំ កន្លះស្លាបព្រាបាយ

- ការ៉ុតចិញ្ច្រាំ 1ស្លាបព្រាបាយ

- ម្ទេសហាវ៉ៃពណ៌ក្រហមចិញ្រ្ចាំ 1ស្លាបព្រាបាយ

- ម្រេចម៉ត់កន្លះស្លាបព្រាកាហ្វេ

- ស្លឹកខ្ទឹមកាត់ខ្លីៗ 1ស្លាបព្រាកាហ្វេ

- ប្រេងឆា 1ស្លាបព្រាកាហ្វេ

វិធីធ្វើ :

- ដាំខ្ទះឆាសាច់ជ្រូកចិញ្រ្ចាំ ខ្ទឹមបារាំង ស្លឹកជីវ៉ាន់ស៊ុយ ខ្ទឹមស ទឹកសីុអ៊ីវ ស្ករ ប្រេងខ្យង ម្ទេសហាវ៉ៃ ម្រេចម៉ត់ និង ការ៉ុត ឆាផ្សំចូលគ្នាឲ្យបានរសជាតិតាមចំណង់ចំណូលចិត្ត ទើបយកវាទៅញាត់នៅក្នុងមឹកឲ្យសមល្មមណែនល្អរួចយកឈើចាក់ធ្មេញខ្ទាស់មុខវាកុំឲ្យឆ្លាយស្នូលចេញមកក្រៅ ។

- បន្ទាប់មកយកវាទៅអាំងឲ្យឆ្អិន សឹមលើកដាក់ចាន និង ហាន់ជាចំណិតៗ លោកអ្នកគួរតុបតែងឲ្យស្អាត ដោយប្រើជីវ៉ាន់ស៊ុយ និង ស្លឹកខ្ទឹម ។

ទទួលទានជាមួយទឹកប៉េងប៉ោះ ឬ ទឹកត្រីកោះកុង និង បាយសក្តៅ ៗ អាចញុំាជាមួយស្រាបៀរក៏បាន រឹតតែឆ្ងាញ់ពិសា ៕